ස්නේහ ගංගාව..

ලොව ඇති සියළු දුක් විඳ
අප ලොවට දායාද කල
අම්මා.....
සයුරු රළ මැඩ 
කඳු මුදුනින් ගලනා
ස්නේහ ගංගාව..,
අම්මා....
ළය කඳුළැලි කිරි කොට
ඒ කිරෙන් මුව දෝවනය කළ
අම්මා....
ලොවක් හිම කැට මෙන් 
දොර කවුළු මත 
‍රැඳී සරදම් කරන යාමේ..
සෙනෙහසේ සුවඳින් මා සිත පිරවූ
අම්මා.....
මිනිස්කම් නැති ක‍ටුක දේසේ..
හමා ආ සරදම් තැවුල් සැඩසුළං
නිවා සනහා....,
ස්නේහයේ මඳනලින් මා සුවපත් කල මල් සුවඳ...
අම්මා....
ජාති ජාතිත් ණයගැති මේ පිදූ සෙනෙහසට.......

-පසන් අකලංක පතිරණ